اللانشون البيتى بعد معاناه كتييير واللهم لك الحمد أخيراا نجحت 😍😍
3 جبنه مثلثات و3 بيض و3 مكعبات فاين فودز و3 فصوص حبهان ( هنقشره وناخد اللى جواه ) و3 فصوص توم (مهروس) و زيتون حلقات و3 معالق دقيق ونص كوبايه زيت وحبه فلفل أسود وبابريكا للون أضمن من الألوان الصناعية أو ممكن مية بنجر ورشه ملح صغيره عشان المرقه حادقه ..
الطريقه 👏👏
هنحط كل المقادير فى الخلاط ما عدا الدقيق ونطربهم جامد أوى وبعدين ننزل بالدقيق ونطربهم كويس أوى وبعدين نجيب كيس نايلون ونلبسه لطبق ونصب فيه الخليط وعليه الزيتون ونربطه ونلفه بالفويل أو لو الكيس حرارى يبقى ملوش لازمة الفويل ونحط حله على النار فيها ميه وورق لورى وأول ما تغلى ننزل الكيس فيها ونغطى الحلة ومن فتره لتانيه نقلب الكيس حوالى تاخد ساعه على النار مش أكتر علشان ميحلش بعد ميجمد وتطفى عليه وتخرجيه من الميه على مصفه ومتفتحيش عليه إلا لما يبرد وتقطعى منه والباقى فالتلاحة ومتغطى طبعاا وتوكلى على الله ومتقلقيش ربنا يحسن ما بين ايديكى ياارب 💚❤💙
